श्री विठ्ठल एज्युकेशन अँड रिसर्च इन्स्टिट्यूट, पंढरपूर ची रौप्य महोत्सवी यशोगाथा

पंढरपूर प्रतिनिधी

सुविधा उपलब्ध करून देण्यात आलेल्या आहेत. गरीब व होतकरू विद्यार्थ्यासाठी ‘कमवा आणि शिका’ योजना कार्यान्वित असून गुणवंत विद्यार्थ्यांसाठी प्रोत्साहनपर सुमारे १५ लाखांची बक्षिसे दरवर्षी दिली जातात.
स्वेरीमध्ये केवळ पदवी देऊन विद्यार्थ्यांना निरोप दिला जात नाही तर त्यांच्यामध्ये संशोधन संस्कृतीचे बीजारोपण केले जाते. स्वेरीच्या संशोधनातील विस्तार पाहता ज्येष्ठ अणुशास्त्रज्ञ पद्मभूषण डॉ.अनिल काकोडकर, पंतप्रधान कार्यालयाचे माजी विशेष वैज्ञानिक सल्लागार पद्मविभूषण डॉ. आर. चिदंबरम, पद्मभूषण डॉ. जे.बी. जोशी, पद्मश्री डॉ. शरद काळे, डॉ. कोटा हरिनारायण यांच्या सारख्या सुमारे ५० पेक्षा जास्त शास्त्रज्ञांनी महाविद्यालयास भेटी दिल्या आहेत. स्वेरीमध्ये आंतरराष्ट्रीय स्तरावरील संशोधन परिषदा ‘टेक्नो सोसायटल’ या आतापर्यंत चार वेळा आयोजित करण्यात आलेल्या आहेत. या परिषदांच्या माध्यमातून जगभरातील वैज्ञानिकांच्या चर्चासत्रांचे यशस्वी आयोजन करण्यात आले होते. स्वेरीतील विद्यार्थ्यांना उद्योजकतेबाबत चालना देण्यासाठी ‘सोबस सेंटर ऑफ एक्सलंस’ सुरु करण्यात आलेले आहे.
महाविद्यालयातील प्राध्यापकांचे विविध आंतरराष्ट्रीय व राष्ट्रीय नियतकालिकांमधून सुमारे ७९० संशोधनात्मक लेख आणि ४६ पुस्तके प्रकाशित झाली आहेत. संशोधनात २७ पेटंटही महाविद्यालयाने फाईल केलेली आहेत. स्वेरीच्या अनेक प्राध्यापक व विद्यार्थ्यांनी स्प्रिंजर्स, स्कोपस सारख्या अनेक आंतरराष्ट्रीय जर्नल्स मधून शोधनिबंध प्रसिद्ध केलेले आहेत. पुण्यश्लोक अहिल्यादेवी होळकर सोलापूर विद्यापीठ, सोलापूरच्या मॅनेजमेंट कौन्सिल, सिनेट अकॅडमीक कौन्सिल, बीओएसचे चेअरमन, समन्वयक, तसेच अनेक समित्यांचे सदस्यत्व झालेले, अभ्यास व शोध प्रकल्पाच्या निमित्ताने फ्रान्स, इटली, स्वित्झर्लंड, दक्षिण कोरिया व चीन या देशात अभ्यास दौरा केलेले स्वेरीचे संस्थापक सचिव व अभियांत्रिकीचे प्राचार्य म्हणून पदभार सांभाळत असलेले डॉ. बी.पी. रोंगे यांच्या दिशादर्शक मार्गदर्शनाखाली अध्यक्ष दादासाहेब रोंगे, उपाध्यक्ष हनीफ शेख, तसेच संस्थेचे सर्व पदाधिकारी व विश्वस्त यांच्या सहकार्याने स्वेरीच्या माध्यमातून राज्यभरातील विद्यार्थ्यांना अभियांत्रिकी, औषधनिर्माण शास्त्र, व्यवस्थापन आदी महाविद्यालयांतून ज्ञानदानाचे कार्य अविरतपणे सुरु आहे. अनेक शैक्षणिक संस्थांना आपले अनेक अभ्यासक्रम विद्यार्थ्यांअभावी बंद करावे लागत असताना स्वेरीच्या सर्व जागांवर प्रवेश झाले आहेत. स्वेरीची ही वाटचाल स्वेरीच्या गुणवत्तेचे, विश्वासार्हतेचे प्रतीक आहे. स्वेरीच्या रुपात पंढरपूर सारख्या ग्रामीण भागात उच्च व तंत्रशिक्षणाची मुहूर्तमेढ रोवून स्वेरीचा नावलौकिक देशपातळीवर गेला आहे. एकूणच उच्च शिक्षणातील ‘पंढरपूर पॅटर्न’ हा ट्रेंड सेट झाला आहे.

चौकट क्रमांक १ –
अत्यंत प्रेरणादायी संस्था, शिक्षण आणि विकास यांचा समन्वय साधत, त्यांना जोडत या प्रक्रियेमध्ये विद्यार्थ्यांना समाविष्ट करून घेतले जाते. मला विश्वास आहे की, भविष्यात शाश्वत विकास घडवण्यात ही संस्था मोलाची कामगिरी बजावेल. येथे कार्यरत प्रत्येकाला माझ्या मनःपूर्वक शुभेच्छा !
-पद्मविभूषण डॉ.अनिल काकोडकर, जेष्ठ शास्त्रज्ञ, भारतीय अणू ऊर्जा आयोगाचे अध्यक्ष.
चौकट क्रमांक २-
अतिशय सुंदर शैक्षणिक कार्य करीत असलेल्या स्वेरीला पहिल्यांदा भेट देत असताना मनस्वी अत्यंत आनंद झाला होता. त्यांच्या सोबत ग्रामीण भागात सर्वदूर शिक्षण प्रसाराचे होणारे कार्य, बीएआरसी च्या माध्यमातून ग्रामीण भागात तंत्रज्ञान उपलब्ध करून देण्याचे निरंतर कार्य उल्लेखनीय आणि वाखाणण्याजोगे आहे.
-पद्मविभूषण डॉ. आर. चिदम्बरम विशेष वैज्ञानिक सल्लागार, पंतप्रधान कार्यालय

चौकट क्रमांक ३-
१९९८ साली आम्ही अभियंता मित्रांना सोबत घेऊन गोपाळपूर च्या माळावर ज्ञान सत्राची सुरुवात केली होती. या भूमीवर तंत्र शिक्षणातील ज्ञान प्रदान करणारे नंदनवन उभे करण्याचे स्वप्न आम्ही पाहिले होते. सर्वांच्या सदिच्छा आणि शुभेच्छा यामुळे स्वेरी स्वप्नवत वाटचाल करते आहे. स्वप्न सत्यात उतरवल्याचे समाधान आहे. ग्रामीण भागातील, सुविधा आणि संधीचा अभाव असलेल्या विद्यार्थ्यांना गुणवत्तापूर्ण उच्च आणि तंत्र शिक्षण उपलब्ध करून देण्यात, तंत्रज्ञान आणि संशोधनाला चालना देण्यात स्वेरीला यश मिळाले आहे.
-प्राचार्य डॉ. बी.पी.रोंगे, संस्थापक सचिव, स्वेरी.
चौकट क्रमांक ४-

विशेष लक्षवेधी –
१) स्वेरीचे एकूण कॅम्पस क्षेत्रफळ २७ एकर असून एकूण बांधकाम २२४६१ चौ.मी., एकूण वर्ग खोल्या २८, एकूण प्रशासकीय खोल्या – २८, एकूण प्रयोग शाळा -५४, उच्च क्षमतेचे ६०० संगणक उपलब्ध आहेत.
२) स्वेरीमध्ये २९ शिक्षक पीएच.डी. पदवी धारक आहेत. तर २० शिक्षक पीएच. डी. पदवी धारण करण्याच्या प्रक्रियेमध्ये आहेत. तसेच ८२ शिक्षकांनी पदव्युत्तर पदवीचे शिक्षण पुर्ण केले आहे.
३) संस्थेमध्ये ग्रंथालये, इंटरनेट सुविधा, वसतिगृहे, संमेलन कक्ष, दवाखाना, विद्यार्थी मंच, जीम व भव्य क्रीडांगण इत्यादींचा समावेश आहे. स्वेरीमध्ये २४ तास वाचन कक्ष, १४ तास पुस्तके वाटप, ४६ हजार ५०० तंत्रज्ञान विषयक पुस्तके, ५००० व्यक्ती चरित्रे उपलब्ध आहेत तसेच स्वेरीच्या समृद्ध ग्रंथालयात ४ कोटी ६७ लाखांहून अधिक किंमतीची ग्रंथ संपदा आहे.
४) विद्यार्थ्यांसाठी १८०० प्रवेश क्षमतेची चार वसतिगृहे, विद्यार्थिनींसाठी १६०० प्रवेश क्षमतेची तीन वसतिगृहे, १० उत्तम दर्जाच्या खानावळी, ६ मोठे संमेलन सभा कक्ष व १ मोठा ३५०० जणांची बैठक व्यवस्था असणारा खुला सभामंच आहे.