स्व.आप्पासाहेब चव्हाण सामाजिक व सांस्कृतिक प्रतिष्ठानतर्फे सामाजिक, शैक्षणिक व साहित्यिक क्षेत्रातील पुरस्कारांसाठी आवाहन

पंढरपूर (प्रतिनिधी)

पंढरपूर येथील प्रसिद्ध वृत्तपत्रलेखक, कथाकथनकार, साहित्यिक, नाट्यकर्मी, खेळाडू व आदर्श शिक्षक अशा अनेक भूमिकातून पंढरपूरच्या सामाजिक व सांस्कृतिक क्षेत्रात ज्यांनी उल्लेखनीय कार्य केले अशा स्व. आप्पासाहेब चव्हाण सर यांच्या तृतीय पुण्यस्मरणानिमित्त सामाजिक, शैक्षणिक व साहित्यिक क्षेत्रात उल्लेखनीय कार्य करणाऱ्या व्यक्तींना जिल्हास्तरीय पुरस्कार – २०२५ देण्यात येणार आहेत. रोख रक्कम, स्मृतीचिन्ह, सन्मानपत्र, शाल, हार व श्रीफळ असे पुरस्काराचे स्वरूप असून या पुरस्कारासाठी जिल्हा स्तरावरावरून प्रस्ताव मागविण्यात येत आहेत. साहित्यिक क्षेत्रातील पुरस्कारासाठी मागील (२०२२ / २०२३ / २०२४) या तीन वर्षांत प्रकाशित झालेल्या दोन साहित्यकृतीबरोबर साहित्यिकाने छायाचित्रासह आपले परिचय पत्र पाठविणे आवश्यक आहे. सामाजिक व शैक्षणिक क्षेत्रातील पुरस्कारासाठी परिचय पत्र व कार्याचा आढावा पाठविणे आवश्यक आहे. स्व.आप्पासाहेब चव्हाण सामाजिक व सांस्कृतिक प्रतिष्ठानच्यावतीने ०४ मे, २०२५ रोजी श्रीक्षेत्र पंढरपूर येथे होणाऱ्या कार्यक्रमात मान्यवरांच्या शुभहस्ते सदर पुरस्कार दिले जाणार आहेत. तरी सोलापूर जिल्ह्यातील सामाजिक, शैक्षणिक व साहित्यिक क्षेत्रातील व्यक्तींनी आपले प्रस्ताव .अमरसिंह आप्पासाहेब चव्हाण ( 9822369292 / 9834726747 ), ‘वैष्णव’ सदन, लक्ष्मी नगर, कर्मवीर भाऊराव पाटील महाविद्यालय चौकाजवळ, पंढरपूर :- 413304 जिल्हा :- सोलापूर या पत्त्यावर २० एप्रिल, २०२५ पूर्वी पोहोचतील असे पाठवावेत. अधिक माहितीसाठी कवी रवि वसंत सोनार – ९९२२५१४३००, डॉ.सचिन लादे – ७५८८२१६५२६ व मदार केसकर – ९४२२३८०१४६ यांच्याशी संपर्क साधावा असे आवाहन अमरसिंह चव्हाण, .अमोल चव्हाण व प्रताप चव्हाण यांनी केले आहे.